Aber äbe Songtext
von Kunz

Äs hät scho früe agfange
Bim Turne a de Stange
Die Einte sind bis ufä cho
Die And′re blibe hange
Die Einte, die händ immer
Echli meh Glück im Läbe
Die Andere müend d Chleider
Vo de grosse Schwöschter träge

Aber äbe, aber äbe
Aber äbe, so isch's Läbe
Es louft nid immer aus eso
Wie mer gmeint hät, s′werdi cho
Aber äbe, aber äbe
Aber äbe, so isch's Läbe
Mängisch isch's vergäbe
Oder d′Houfti gaht dernäbe


Dä Eint, dä gaht go reise
Um d Wält aus ä Tourist
Dä Anderi durquert jede Morge de Gubrist
S het immer öpper weniger
Und immer öpper meh
Was wotsch - da chasch nüt mache
Läbsch ja no - immerhii

Aber äbe, aber äbe
Aber äbe, so isch′s Läbe
Es louft nid immer aus eso
Wie mer gmeint hät s'werdi cho
Aber äbe, aber äbe
Aber äbe, so isch s′Läbe
Mängisch isch's vergäbe
Oder d′Houfti gaht dernäbe

Ou wenn du s Gfüu hesch
Dass du öppis Bsunders chasch
S'git immer öpper, wo′s no besser macht

Aber äbe, aber äbe
Aber äbe, so isch's Läbe
S'louft nid immer aus eso
Wie mer gmeint hät s′werdi cho
Aber äbe, aber äbe
Aber äbe, so isch′s Läbe
Mängisch isch's vergäbe
Oder d′Houfti gaht dernäbe