Do Chalum Songtext
von Julie Fowlis

Chalum, a rùin
On a dh′ eug thu
'S airsnealach, tinn
As do dhèidh sinn

Geàrr bha do rèis
Geàrr do shaoghal
Buan an creuchd
Bheum do dhaoine

′S tusa bha mear
Èibhinn, aotrom
Dealasach, ceart
Eirmseach, daonda


Fulangach, treun
Gleac ri eucail
Gun fhiamh, gun ghealt
Ri uchd èig thu

Sgoilear gun mheang
Tuigseach, gleusda
Thionail ar fuinn
Thruis gach sgeulachd

Choisinn thu cliù
Thall an Èirinn
'S bhos an Albainn
Mòr bha dh'fheum ort

Blàth bha do chridh
Fialaidh, mùirneach
Macanta, còir
Coibhneil, fiùghant′


Fuaraidh an nochd
Aognaidh, tùrsach
Gaoth a′s a' bheàrn
Nach gabh dùnadh