Zembîlfiroş Songtext
von Şivan Perwer

Zembîlfiroş zembîla tîne
Delalo zembîla tîne
Kolan bi kolan digerîne
Nan û dahnê pê distîne
Zarokan pê ditevrîne

Gava ew zembîla tîne
Gava ew zembîla tîne

Xatûn li bircê dibîne
Bi eşqa dil dihebîne
Aqil diçe sewda namîne

Ha dil were, ha dil were
Kesê ji dil nekî bawere
Ji mirovantî hatiye dere

Kuro sêlka vir de bîne
Mîr dixwaze te bibîne


Kuro sêlka vir de bîne
Mîr dixwaze te bibîne
Buha buha ji te bistîne
Lawiko ez brîndar im
Lawiko ez brîndar im

Xatûna min a delal e
Min bîhîstî Mîr ne li mal e

Xatûna min a delal e
Min bîhîstî Mîr ne li mal e
Bazara′m malê helal e
Xatûnê wez tobedar im
Delalê wez tobedar im

Ha dil were carek bi coş
Car car vexwe şerbeta xoş
Dilqinyata Zembîlfiroş

Zembîlfiroş lawikê beyan î
Ez dibêjim tu pê dizanî

Zembîlfiroş lawikê beyan î
Ez dibêjim tu pê dizanî
Min bo eşqa dil te anî
Lawiko ez evîndar im
Lawiko ez evîndar im

Tu xatûna min a zerîn e
Qusur li ser te qet nîne


Tu xatûna min a zerîn e
Qusur li ser te qet nîne
Lê dilêm kesî nahebîne
Xatûnê wez tobedar im
Delalê wez tobedar im

Hay hay hay hawar e hawar e
Hay hay hay hay.
Xatûn pir evîndar e
Li ber rehma Xwedê xwar e
Ji eşqê maye bê par e
Evîndar e ma bêçare

Xatûn li jor kar dike
Zêr li eniyê par dike
Kalên sedsalan har dike

Çavên min mîna eynan e
Biskê min mîna qeytan e
Diranê min mîna mircan in
Eniya min mîna ferşan e
Berê min mîna fîncan e
Fîncanên mîr û paşan e
Sîngê min mîna zozan e
Zozanên haft eşîran e
Zembîlfiroş, lawikê derwêş
Lê bike kêf û seyran e

Zembîlfiroş lawikê derwêş e
Keremke tu were pêşe
Heqê zembîlên xwe bibêje
Lawiko ez evîndar im

Zembîlfiroş lawikê derwêş e
Keremke tu were pêşe
Heqê zembîlên xwe bibêje
Lawiko ez evîndar im

Lê lê lê, lê lê Xatûnê
Çavên te mîna zeytûnê

Lê lê lê, lê lê Xatûnê
Çavên te mîna zeytûnê
Ditirsim ji agirê êtûnê
Ya Xatûn ez tobedar im
Tobedarê Xaliqê Cebar im
Ser toba xwe ez nayêm xwarê

Zembîlfiroş lawikê feqîr e
Were ser doşeka Mîr e
Bidim te guliyên herîr e
Lawiko ez evîndar im

Zembîlfiroş lawikê feqîr e
Were ser doşeka Mîr e
Bidim te guliyên herîr e
Lawiko ez evîndar im

Tu Xatûna li birc û ban î
Li ser text û li ser seran î

Tu Xatûna li birc û ban î
Li ser text û li ser seran î
Tu ji min re nabî kevanî
Xwedî zarok û eyal im
Zarok tazî û birçî li mal in
Xatûnê wez tobedar im

Zembîlfiroş lawikê nenas î
Tena derpî û kiras î
Tu ji destêm nabî xelas î
Lawiko ez evîndar im

Zembîlfiroş lawikê nenas î
Tena derpî û kiras î
Tu ji destêm nabî xelas î
Lawiko ez evîndar im

Xatûna gerden bi morî
Qet nabe bi kotek û zorî

Xatûna gerden bi morî
Qet nabe bi kotek û zorî
Tirsa min ji wî Reb ê jorê
Xatûnê ez tobedar im
Tobedarê Zerdeştê Kal im
Ji ser toba xwe qet nayêm xwarê