Na Harif-E-Jan Songtext
von Iqbal Bano

نہ حریفِ جاں، نہ شریکِ غم
شبِ انتظار کوئی تو ہو
نہ حریفِ جاں، نہ شریکِ غم
شبِ انتظار کوئی تو ہو
کسے بزمِ شوق میں لائیں ہم
دلِ بے قرار کوئی تو ہو
نہ حریفِ جاں، نہ شریکِ غم

کسے زندگی ہے عزیز اب

کسے زندگی ہے عزیز اب
کسے آرزوئے شبِ طرب

مگر، اے نگارِ وفا طلب
تِرا اعتبار کوئی تو ہو
مگر، اے نگارِ وفا طلب
تِرا اعتبار کوئی تو ہو
نہ حریفِ جاں، نہ شریکِ غم

کہیں تارِ دامنِ گل ملے
تو یہ مان لیں کہ چمن کھلے

کہیں تارِ دامنِ گل ملے
تو یہ مان لیں کہ چمن کھلے


کہ نشان فصلِ بہار کا
سرِ شاخسار کوئی تو ہو
کہ نشان فصلِ بہار کا
سرِ شاخسار کوئی تو ہو
نہ حریفِ جاں، نہ شریکِ غم

یہ اداس اداس سے بام و در
یہ اجاڑ اجاڑ سی رہ گزر

یہ اداس اداس سے بام و در
یہ اجاڑ اجاڑ سی رہ گزر

چلو ہم نہیں، نہ سہی، مگر
سرِ کوئے یار کوئی تو ہو
چلو ہم نہیں، نہ سہی، مگر
سرِ کوئے یار کوئی تو ہو
نہ حریفِ جاں، نہ شریکِ غم

یہ سکونِ جاں کی گھڑی ڈھلے
تو چراغِ دل ہی نہ بجھ چلے

یہ سکونِ جاں کی گھڑی ڈھلے
تو چراغِ دل ہی نہ بجھ چلے

وہ بلا سے ہو غمِ عشق یا
غمِ روزگار کوئی تو ہو
وہ بلا سے ہو غمِ عشق یا
غمِ روزگار کوئی تو ہو
نہ حریفِ جاں، نہ شریکِ غم