Oroimeneko portua Songtext
von Imanol

Ipar aldeko portu zaharra
Ekar dezagun kantara:
Kale bustien sentimendua,
Edalontzien ikara.

Marinelen hitz arrotzak, baina
Ginebra onaren dirdira,
Gau biluzia sartzen zitzaigun
Begi zabalen ninira.


Gau erdiaren eremuetan
Laban ahoak airera:
Izar isilen argi azpian
Odol beroa lurrera...

Txanpon berriez erosi eta
Amodioen jokora:
Ohe estutan etzatzen ginen
Itsas-lamien altzora.

Kanta lizunen alegrantzia,
Akordeoien tristura.
Ez gara egundo, ai, itzuliko
Oroimeneko portura!