Opus Dei Songtext
von Herman Medrano

3, 2, 1, ghe demo el via
Mi come che a vedo? No come ti, così sia
Ma se lo dise el papa, eora xe deciso
Do ave e un paternoster e te rivi in paradiso
Questi xe in poitica, banche, aziende
Inserii nee scuoe e in ogni posto conveniente
Mi no me stupisso, un marketing mai visto
Un logo che funsiona costruìo so un poro cristo
Xente atonita, prete sensa tunica co gin e tonica
Se fosse bianco e nero sarìa na comica
Xe finio el medioevo e el controeo co a paura
A parte co cualcuno adesso, eà xe pi dura
Sto bonismo postisso nol me sfiora de strisso
Sto pastisso de paure, afari e crocefisso
Tanti se a ga bevùa, anca se xe scadùa
Ma se no te porti gnente no te magni casa sua
E vie del signore xe infinite, no te se quante
E ogni do kiometri un prete caseante
Preghiere pa davanti, cortei pa da drio
I affari come vai? I va da dio


Opus Dei, caressemo i to putei
Semo tuti fradei ma puntemo ai to schei
Puntemo ai to schei, puntemo ai to schei
Tuti fradei ma puntemo ai to schei
Ma lesi do tre libri, no digo miga tanti
Pa darte un′idea dei morti fati dai santi
Da quei che jera santi co spada e breviario
Desso almanco li blinda e li seda col Valium
Ma omani inportanti desso minimo beati
Xe quei che in finansa altro che spregiudicati
Bernardino Nogara, Josèmaria Escrivà
I afari xe afari non inporta con chi i se fa
Ma pare che qua no sapia gnente nessuno
Pi de calcuno ga fato a fine de Giordano Bruno
Pa essere precisi i saria milioni
So che ghe da fastidio e ghe ronpe i maroni
Me pare me ga dito de assare stare i preti
"Ti no te voi rogne, ma pare te tee serchi"
I ga oci dapartuto e co i schei xe na furia
Mesa padova oramai xe proprietà dea curia
E vie del signore xe infinite, no te se quante
E ogni do kiometri un prete caseante
Preghiere pa davanti, cortei pa da drio
I affari come vai? I va da dio
Opus Dei, caressemo i to putei
Semo tuti fradei ma puntemo ai to schei
Puntemo ai to schei, puntemo ai to schei
Tuti fradei ma puntemo ai to schei
Ti te pensi inpossibie, bon, vegnemo al come
Gheto mai sentio parlare ti dei prestanome?
Xente sensa scrupoi ma co na fede granda
Che fiuta filigrana e la ritorna a chi li manda
Sindona, Gelli, Ortolani no xe che alcuni
Marcinkus, Calvi, nomi noti e ormai comuni
Legai da mafia, banche e ogni sorta de porcaria
"No se aministra a ciesa co do ave maria"
Dai tanti dati emersi el voeume dei so interessi
Xe tanto quanto i investimenti, imensi
In tuto el mondo, in ogni tenpo e co chiunque
Come rivare ai schei, come rivare al dunque
Ma mi so rajoniere e me piase fare i conti
Parlemo de schei e de morti quei sconti
Fra invasion dee americhe crociate e inquisission
I ga 80 milioni de morti sol groppon
E vie del signore xe infinite, no te se quante
E ogni do kiometri un prete caseante
Preghiere pa davanti, cortei pa da drio
I affari come vai? I va da dio
Opus dei, caressemo i to putei
Semo tuti fradei ma puntemo ai to schei
Puntemo ai to schei, puntemo ai to schei
Tuti fradei ma puntemo ai to schei