Aguasso Songtext
von Herman Medrano

Se se, ok, si si si si
Aguasso, el da fastidio ma el se suga so a schina
Vardo vanti e spero che no piova, vien vien

Anca sto ano el to paron no te voe mae (vien qua moro)
Butilia e paneton pa e feste de nadae
Te si contento e i te fa passare da cojon
I ciapa do gaine co un gran de formenton
Go na imaginasion che pa ciapaea ghe voe do man
Eà struco come che el fisco fa co un artigiàn
Pi che altro vardo basso, pi che altro pal fato
Che no vojo scapussarme fando ancora naltro passo
No-no, i erori no te i cuerxi col biancheto
No-no, sensa ciave no te verxi chel lucheto
Gheito dee rogne? Desso te e grati
Pa ′ndaghe contro a xente co dixee avocati
Cuerxete col tenpo se fa brùeo
Cuànto veto vanti a fare stronsi pi grossi del cùeo
Poco, o mejo, cuasi gnente
Specialmente coi se nincorxe e a ti el te se strenxe


Fin desso aguasso, el dà fatidio ma el se suga
Vardo vanti e spero che no piova
Gnente pi da dire, gnente pi da vedare
Gnente pi da bevare o che i possa fame credare
Fin desso aguasso, el dà fatidio ma el se suga
Vardo vanti e spero che no piova
Mi no vojo gnente da spartire co sta xente
Tira su ch'el deo se no te ne frega gnente

Nialtri? Mai sta cuatro amici al bar
Ma se te vardi un fià forse te me cati là
Fin desso, aguasso, el da fastidio so a schina
Vardo vanti e speto domatina
Gnente da spiegare cuà ognuno pensa al suo
Xente te da eà sodisfasion de un caco cruo
Me pare de parlar co dei tosati
El pi dee volte eà finisse a cartoni animati
Te ghe a che fare ogni dì co menti massa pìcoe
Gare pa e fregoe e pretese assai ridicoe
Dai, fame rìdare, dai fame védare
Ramenate par tera e conta robe da no credare
Co xe ora de scanpare chi xe che se destriga
Chi xeo cuéo che prima copa e poco dopo siga
Fassie fare el pacifista co nissuni no te bate
Massa fassie, desso, pea ste patate


Fin desso aguasso, el dà fatidio ma el se suga
Vardo vanti e spero che no piova
Gnente pi da dire, gnente pi da vedare
Gnente pi da bevare o che i possa fame credare
Fin desso aguasso, el dà fatidio ma el se suga
Vardo vanti e spero che no piova
Mi no vojo gnente da spartire co sta xente
Tira su ch′el deo se no te ne frega gnente

Sorisi de ceramica, ti fidate dei bei
De cuéi che ponta el deo e xe grassi come dei porséi
Cuà nissun xe cussì mona, cuà gnanca el pì merdoso
Pesse al cùeo i varda in facia e se emossiona
Chi dixeva vegno e invesse jera un busiaro
Eò go inpinio de besteme pi che al barcaro (zio lazarone)
Promesse tanto ti no tee mantien
Specie cuando che te canbi idea come che e vien
Tuti me consilia cossa che me servarìa
Mi me basta casa mia, na piassa e na ostaria
Na vita che fasso corse, che so in forse
Co e me risorse e me ruspa un fià e borse
Stago trancuìo, tanto cossa me farai
I pol s-ciopare desso tuti rossi sfogonài
No serve pi ciapassea pa ogni roba e senpre
Xe come ciapare el soe so na spiajia in disembre

Fin desso aguasso, el dà fatidio ma el se suga
Vardo vanti e spero che no piova
Gnente pi da dire, gnente pi da vedare
Gnente pi da bevare o che i possa fame credare
Fin desso aguasso, el dà fatidio ma el se suga
Vardo vanti e spero che no piova
Mi no vojo gnente da spartire co sta xente
Tira su ch'el deo se no te ne frega gnente