I will koine Mauldascha meh Songtext
von Hank Häberle Jr.

Wenn′s Fritzle von der Schul hoim kommt
Ond scho wieder Mauldascha gibt
Da schmeißt er der Muada d'Schüssel nach ond schreit
"I glaub du bisch verückt!"

I koa deine Mauldascha nemme seh
I will liaba en rechte Kebap
Dann nimmt sei Muada de Kochlöffel
Ond haut ihm ois uffd Lapp

Du hebsch jetzt die Mauldäscha uff
Ond verdrucksch mindeschtens zwoi
Ond wenn des net glei von alloi duasch
Dann stopf I dir se nei

Noi Mama, Noi
I will koine Mauldascha meh
Bitte Mama Gnade
Sag koasch den gar nix anders koche
Ha Muada des isch aber schade


I will koine Mauldascha meh
Mama spül se na ins Klo
I möcht gern Spaghetti mit Ketchup
Ond a Pizza mit Nutella
Vom Mario

S′Fritzle kaut an der erschde Mauldasch rom
In der Not da frißt der Deifel Mugge
Sei Muada die stoht drohend hinter ihm
Er muss den ganze Schlonz verdrugge

Er denkt sich hätt I wenigschdens en Krumbiresalat
Dann dät des Ganze besser rutsche
Auf oimal wiergds em ond Älles kommd em wieder hoch
Ond Bräggele dent uff den Deppich flutsche

Du hebsch jetzt die Mauldäscha uff
Ond verdrucksch mindeschtens zwoi
Ond wenn des net glei von alloi duasch
Dann stopf I dir se nei

Noi Mama, Noi
I will koine Mauldascha meh
Bitte Mama Gnade

Sag koasch den gar nix anders koche
Ha Muada des isch aber schade
I will koine Mauldascha meh
Muada spül se na ins Klo


I möcht gern Spaghetti mit Ketchup
Ond a Pizza mit Heggmegg
Vom Mario

Ja I will koine Mauldascha meh
Bitte Mama Gnade
Sag koasch den gar nix anders koche
Ha Muada des isch aber schade
I will koine Mauldascha meh
Mama spül se na ins Klo

I möcht gern Spaghetti mit Ketchup
Ond a Pizza mit Thunfisch
Vom Mario
Ja I möcht gern Spaghetti mit Ketchup
Ond a Pizza mit allem Mögliche
Vom Mario