Massalama Songtext
von Hamza Namira

والله يا 100 خسارة
القسوة ماهيش شطارة
لو فيكي رحمة يا دنيا
طيب ايه الأمارة

صعبانه عليا نفسي
مش قادر اسيبكو وامشي
وأودع كل حاجة
قدام باب العمارة

يعني الذكرى الجميلة
وسنين عمري الطويلة
فجأه بسببك يا دنيا
وقفوا عليا بخسارة

ومع السلامة السلامة مع السلامة
مضحوك علينا مـ الدنيا ياما
ومع السلامة السلامة مع السلامة
دنيا غريبة ومفرقانا


شايف فـ عنيكو دمعة
شايل منها فـ عنيا
ومفيش حاجة بأديكو
ولا في حاجة بإيديا

مش مستحمل أشوفكوا
قاعدين بتداروا روحكو
ومحدش فيكوا قادر
يجى يسلم عليا

لو تبعدنا الليالي
لكن ديما في بالي
دنيا بتجمعنا مرة
وتفرق بينا 100

ومع السلامة السلامة مع السلامة
مضحوك علينا مـ الدنيا ياما
ومع السلامة السلامة مع السلامة
دنيا غريبة ومفرقانا

سكة يا عالم آخرها
ومفيش قدامنا غيرها
وسنين سايبالنا دايما
في قلبنا علامة


وتعبت يا دنيا فيكي
من همي دعيت عليكي
أخدتي حقوقك وحقي
سايبه ليوم القيامة

ومع السلامة السلامة مع السلامة
مضحوك علينا مـ الدنيا ياما
ومع السلامة السلامة مع السلامة
دنيا غريبة ومفرقانا

ومع السلامة السلامة مع السلامة
مضحوك علينا مـ الدنيا ياما
ومع السلامة السلامة مع السلامة
دنيا غريبة ومفرقانا