Lassa pur che el mond el disa Songtext
von Giovanni D'Anzi

Se sa che a parlà de Milan se fa minga fadiga
Con tanti argoment per i mann el discors el scarliga
Ciappem per esempi i semafor, che gran meraviglia
Te par de vedè tanta gent a ballà la quadriglia


Lassa pur ch′el mond el disa, ma Milan l'è on gran Milan
Pòrta Cicca e la Bovisa, che dintorni pròpi san
E la nebbia che bellezza, la va giò per i polmon
E quand fiocca, che giòia, gh′è el Parco e i Bastion
Per scià senza andà al Mottaron
Fa nagòtt se poeu pioeuv e andemm giò a tomborlon
In la poccia a poccià el panetton

Se sa che a Milan gh'è in progett la metropolitana
Però ogni dì sto progett semper puu el s'allontana
In cambi num semm che in pittura Milan l′ha faa scoeula
Gh′è intorna domà cartellon del formagg Gorgonzoeula


Lassa pur ch'el mond el disa, ma Milan l′è on gran Milan
El Carròbi e la via Brisa e el carrett dei ciappacan
Lassa pur ch'el mond el disa, ma Milan l′è on gran Milan
On bel piatt de busecca con dent i borlott
E on òss buss cont intorna el risòtt
E on litròtt de quel bon, cont on bel minestron
Fann content ogni milaneson