Song of Sølvi Songtext
von Geirr Lystrup

Dette er songen som Sølvi har gjort
Ho sat her ei kveldstund og lærte han bort
No bur han i hjarta mitt og i min gitar
Song of Sølvi er alt eg har
Song of Sølvi er i min draum
Hjarta mitt er ein liten flaum
Song of Sølvi er vin i mitt krus
Hybelen min er eit gledeshus


Der kjøleskapet trallar ein kul melodi
Radioen spelar på batteri
Osten er forelska og høvelen kåt
Kniven går i loffen med sin kjærleikslåt
Med Song og Sølvi tar natta mi slutt
Til morgonandakt og kaffigrut
På jobben syng alle på Sølvis refreng
Til Song of Sølvi går eg i seng

Kemnaren sto ein dag på dørmatta mi
Klemde foten innafor og var ikkje blid
Eg stamma og svelgde, vart brennheit og bleik
Men så treiv eg tak i min strengeleik
For Song of Sølvi er alt eg har
Eg spela for mannen mitt fattige svar
Men då dansa han og lo med sin syndige skrott
Og restskatten min den vart glømt for godt


Ja Veslefrikk spela og fela ho let
Så direktøren dansa og ministaren gret
Biskopen sukka, generalen han lo
Og kongen klappa, så alle forsto
At dette er songen som Sølvi har gjort
Ho sat her ei kveldstund og lærte han bort
Og når ho ein kveld kjem og opnar di dør
Då kan du lære han sjølv ...viss du tør