Snakkar du om sola Songtext
von Geirr Lystrup

Og eg som skulle skrive om Juni denne gong
Om deg og dine fire fløyels år
Har gjømt meg unna sommaren med rullgardina ned
For avstand er visst viktig og geniet må ha fred
Skal verda få ein poesi som slår

Det gjekk så glatt i starten, du dansa fram på tå
På arket mitt med blikk av glad fiol
Men midt i andre verset sto Pegasusen bom
Eg sveitta som ei sviske og leita skallen tom
Etter fleire geniale rim på sol

Men snakkar du om sola
Snakkar du om sola så skinner ′a
Når nøden er som størst flyr døra opp
Og Juni stormar inn
Ho er poesi frå kinn til kinn
Snakkar du om sola
Snakkar du om sola mi


Men pappa, er du dårleg, kom heller ut og leik
Sa Juni og gnei nesa si mot mi
Nei, eg må sitte inne skal det bli eit sommardikt
Med humlesurr i glaset med løvetann og slikt
Stikk ut no, gje meg fred ein times tid

Men snakkar du om sola
Snakkar du om sola så skinner 'a
No strekte Juni fram ei lubben hand
Sjå, pappa, mens du sit
Har eg alt plukka diktet ditt
Her har du meg og fire løvetann

Å Juni Juni
No sprang vi ut der kverna gjekk og sommarvinden mól
Å Juni Juni
Der du er rimar alle ord på sol

For snakkar du om sola
Snakkar du om sola så skinner ′a
Om sommaren bør diktarar ta fri
For om ein ser det litt på sikt
Skriv Juni sjøl heilt okey dikt
Snakkar du om sola
Snakkar du om sola mi