Lacreme napulitane Songtext
von Gabriella Ferri

Mia cara madre, ata pe′ trasì Natale
E a stà luntano cchiù mme sape amaro!
Comme vurria allummà dduje o ttre biancale!
Comme vurria sentì 'nu zampugnaro!

A ′e ninne mieje facitele 'o presepio
E a tavula mettite 'o piatto mio!
Facite, quann′è ′a sera d' ′a Vigilia
Comme si 'mmiez′a vvuje stesse pur'io!


E nce ne costa lacreme ′st'America
A nuje, napulitane!
Pe' nuje ca ce chiagnimmo ′o cielo ′e Napule
Comm'è amaro ′stu ppane!

Mia cara madre, che sò, che sò 'e denare?
Pe′ chi se chiagne 'a Patria, nun sò niente!
Mo tengo quacche dollaro e mme pare
Ca nun sò stato maje tanto pezzente

Mme sonno tutt′ 'e nnotte 'a casa mia
E d′ ′e ccriature meje ne sento 'a voce
Ma a vuje ve sonno comm′a 'na Maria
Cu ′e spade 'mpietto, comm′ 'ô figlio 'ncroce


E nce ne costa lacreme ′st′America
A nuje, napulitane!
Pe' nuje ca ce chiagnimmo ′o cielo 'e Napule
Comm′è amaro 'stu ppane!