Katabna Ou Ma Katabna Songtext
von Fairuz

كتبنا وما كتبنا ويا خسارة ما كتبنا
كتبنا وما كتبنا ويا خسارة ما كتبنا
كتبنا مية مكتوب ولهلاء ما جاوبنا
كتبنا وما كتبنا ويا خسارة ما كتبنا
كتبنا مية مكتوب ولهلاء ما جاوبنا

كنا نبعث له مكتوب يبعث مكتوبين
شو قالوا لك يا محبوب مغير من شهرين
(كنا نبعث له) مكتوب يبعث مكتوبين
(شو قالوا لك) يا محبوب مغير من شهرين
أخر مرة اتلاقينا اتصافينا واتراضينا
إن كانك زعلان علينا ع القليلة عاتبنا

كتبنا وما كتبنا ويا خسارة ما كتبنا
كتبنا مية مكتوب ولهلاء ما جاوبنا

بتذكر لما ع الدار مسوية طليت
ما بعرف كيف قلبي طار وصار يطير البيت
(بتذكر) لما ع الدار مسوية طليت
(ما بعرف) كيف قلبي طار وصار يطير البيت
ولما قلت لي اسقيني، صارت تبكي الياسمينة
وقالت لي يا مسكينة قلنا تبنا وما تبنا


كتبنا وما كتبنا ويا خسـارة ما كتبنا
كتبنا مية مـكتوب ولهـلا ما جاوبنا

يا مالكين القلب، يا مالكين القلب
يا مالكين القلب لما النوى مالكن
قلنا حباب النا من يا ترى مالكن
يا مالكين القلب لما النوى مالكن
قلنا حباب النا من يا ترى مالكن

عودوا قبل ما الجفا يغمر ليالي العمر
غير الأحبة القداما ع الوفا ما لكن
أوف، أوف، أوف حبيبي

بلمح شباكه من بعيد ع الوادي مفتوح
وتزيد الغصة وتزيد بها القلب المجروح
(بلمح شباكه) من بعيد ع الوادي مفتوح
(وتزيد الغصة) وتزيد بها لقلب المجروح
الهيئة حبك مش صافي، ولا إنك ع الجيرة لافي
رجعوا طيور الصفصافة، وما رجعوا حبايبنا

كتبنا وما كتبنا ويا خسارة ما كتبنا
كتبنا مية مكتوب ولهلاء ما جاوبنا

كتبنا وما كتبنا ويا خسارة ما كتبنا
كتبنا وما كتبنا ويا خسارة ما كتبنا
كتبنا مية مكتوب ولهلاء ما جاوبنا