Eh Fi Amal Songtext
von Fairuz

رغم الزّهر اللّي متلّي الحقول
شو ما تحكي وتشرحلي و تقول
حبيبي، حبيبي
تَ نرجع لأ مش معقول

عندي سنونو وفي عندي قرميد
بعرف شو يعني إذا إنتَ بعيد
بس حبيبي إحساسي
ما عاد يرجعلي من جديد

في أمل إيه في أمل
أوقات بيطلع من ملل
في أمل إيه في أمل
أوقات بيطلع من ملل

وأوقات بيرجع من شي حنين
لحظة تَ يخفّف زعل
وبيذكّرني فيك لون شبابيك
بس ما بينسّيني شو حصل
رغم الزّهر اللّي متلّي الحقول

حبيبي، حبيبي
تَ نرجع لأ مش معقول


في قدّامي مكاتيب من سنين
زهقة ورد ومنتور وياسمين
حبيبي، حبيبي
ما عاد يلمسني الحنين

في ماضي منيح بس مضى
صفّى بالرّيح بالفضاء
في ماضي منيح بس مضى
صفّى بالرّيح بالفضاء

وبيضلّ تذكار عَ المشهد صار
في خبز في ملح وفي رضا
يوميّة ليل وبعدو نهار
عمري قدّامي عم ينقضى

شوف القمح اللّي بيطلع بالسّهول
شوف المي اللّي بتنزل عَ طول
حبيبي، إحساسي
هالقدّ معقول يزول

شو بتخبّر أصحاب و زوّار
عنّي إنّي محدودة وبغار
بس حبيبي كرمالي
تنيناتنا منعرف شو صار
تنيناتنا منعرف شو صار