Ruehigs Lied Songtext
von dnachtaktion

Füüf Stund Schlaf chronisch übermüedet
Koffein enorm übertüret
Zwüsche Bügu ässe penne nume Platzangst
Wie geits dir jaja guet säg i nume no us Astand
Sächsi am Morge du bisch scho wach
Postisch Morge-Fitness-Föteli uf Instagram
No Pain no Gain dis Motto für dä Tag
Fing chli meh Schlaf mis Motto für nächst Jahr


Mit dr Zyt biude sech uf dr Stirn Faute
D′Grawatte zieht sech langsam zue wie ne Gauge
Post-its chläbe im Büro a dr Wang
Chuum nihm i eis wäg e nöie Uftrag dran
Füüf Täg immer nur ds Wuchenend i Sicht
Zwöi Täg erhole am Mäntig wieder Schicht
Immer meh ds'Gfüu dass mi Job sinnlos isch
U so geits immer witer bis i dran zerbrich

Füüf Stund Schlaf geng no übermüedet
Die ganz Nacht wach Gedanke verfüehre
Dänke a d′ Schuu dänke a früecher
E Erinnerig drvo für mi wie ne Blüete
Di Zyt mit mine Lüt ufem Baukon
Befreit vo jedem Stress chli Musig usem Radio
So nes ruehigs Lied zum abecho
Haute d' Luft a u flüge drvo

Es ruehigs Lied zum iischlafe in ere Nacht wie hüt
Es ruehigs Lied zum abecho i dere turbulente Zyt
Es ruehigs Lied zum lose wen'd eifach nümme mahsch
Es ruehigs Lied zum klarcho wen′d nach emne Alptroum ufwachsch