Nakar Lahsane Songtext
von Djil Djilala

اش باقي يا قلبي ما تروم لولاف،اش باقي من خيرهم فالمعارف
وفعايلهم يا القلب صنوف
تركهم يا قلبي ترتاح من تشغاف،مادام ماحملتي عنهم الكلايف
لا رفاف فصحابنا معروف
والمعارف لردال باخسين لقصاد،اهل الكره والمناصف منهم نظرت يا القلب ألوف
ما يواكدوك فالشدة يا القلب لقصاف
غير سلم فيهم ياقلبي وساعف
صحبت اليوم سوقها معدوم
والمعرفة صنعة ولات يا العارف
بحورها ما سلكوه سفون بالمقادف،ترك الرياس حايرين وقوف
واه يا سيدنا عالمعارف وصاو النجا منهو عارف, ما فالولايف ما يتوالف،صيغ لقوال يا قلبي وصون
سيرآ ناكر لحسان ايام مشيت وراك بالقهر ويبان البرهان في كان من خان حبيبو
شصبرني لتيهان غير نكايد ونزيد فالصبر،عقيلي حيران شاكي من حر لهيبو
طول بجايا سهران تقولي بين الزفرات ينعدر
سلتك لليقان جرحي ما صاب طبيبو
انت قلبك فرحان ما شفك حالي زايد النفر ،شروط التيهان فعلك مازال انصيبو
عاشرتك بالصدق والوفا،ولي فيا راك عارفو
انت مني رايد الجفاوانا وعدي كانصرفو
خفت عليك آ شارد العفا من دنبي بغيا تصادفو
ما يلقى كمان من تغرادي عند ساير العمر،وكثير القتلان ما يطلع قباليتو


كيف يمنع العشران من طبعو بين الناس ينشكر
ما يهدر لوكان تنوظر معاه طليبو
شفتك جيتي زربان غروك صحاب الفيش والفجر من لا ليهم شان، نهار الطب يغيبو
يا قلبي سير وكان لابد كثير الجهد ينكسر, من بعد الزيدان سيسان الغدر يريبو
كنت ضانك صاحب العقل ما ترضى برفاقت لخشان،غروك اهل الفيش والبخل ماليهم صولة ولا كلام،وتنفرتي ناقص الفعل وجازيتيني بالخصام
وراك العديان،قستيني يا صابغ الشفر،غواك الشيطان مثلي محال تصيبو
لو جلتي فالبلدان سال البادية مع الحضر،ما توجد انسان مثلي ساخي بنصيبو
انفادي بالسلوان فبساط العز وغاية الفخر ووجود المزيان كل ما قال انجيبو
ما يقهرني خسران راه خيط رفيق قد من الحضر نسخى بالتبان في حق الزين نهيبو
سيرآناكر لحسان ايام مشيت وراك بالقهر ويبان البرهان في كان من خان حبيبو
ما يسلك مناهج الهدى من هو كيفك خارج الحدود
من يسلك محال تنفدى من حر الهجرة مع الصدود
بيا غير جفايت العدى كلام الغتبة مع الحسود
أنظرتيهم صدقان وسخيتي بيا ما بقى كثر فراق الرقبان فالقلب كويت لهيبو
زدتي قلبي نيران وانت هايم ما جابتلي خبر،قلبك حين شيان رجع قطران حليبو
كي قالو ناس زمان من دار الشر يموت بالغدر، ولي زاد يبان ومن دار الخير يصيبو
قبلك فاتو شبان ما دامت ليهم حالت الصغر،غير فلان وفلان كبرو وضحاو يشيبو
سير الجافي من جانبي دفع ما باقي فخصامنا رجوع،كيف سمحت يا خايب الطبع حين تبعتي لامت الفزوز،ما فيها طيبة ولا نفع عشرتك آ بخس السلوع
لو كنتي شيهان ركبتك يوم الحر تنشكر قدام الفرسان واليوم لغيت ركيبو
لو كنتي بستان غنمنا حسن الياس والزهر،جنينالغصان تمر القبل يطيبو
لو كنتي مزيان دوزت معاك ايام تنشكر،وشفيتك بالعيان جمال القبل يخيبو
ايامي لا تزيان كتبني بنيان القصر بزاج وطيقان والنقش على ترتيبو
ايامي لا تشيان كتخسف لي الشمس والقمر بعزاج ودخان ونجوم الليل يغيبو
لعفو بيد الرحمان نجاني منك شامخ القدر
مسعاه الغفران،لابد يهون صعيبو