De Plitsch und de Platsch Songtext
von Dieter Wiesmann

De Plitsch und de Platsch
Zwei Rägetropfe wirbelt dur de Wind
Plitsch und platsch
Sind froh dass′ Rägetropfe sind
Sie plitsched und platsched und pflotsched e biz
De Plitsch seit zum Platsch und de Platsch seit zum Plitsch
"Was stelled mir hüt aa?"

D' Jungfer Gret chunnt grad zum Coiffeur us
Sie hät jetzt lockig gstrählti Haar
Sie lauft ganz stolz, gseht wie ne Filmstar us
Und chunnt sich furchtbar wichtig vor

De Plitsch und de Platsch
Sie landed ufem Haar
Und d Locke werded schlaff
Und wo sich d Jungfer Gret im Spiegel gseht
Herrjeh, da isch Sie paff!!


De alti Franz vom Lade vis-à-vis
De schimpft und grochset wie nid lätz
Er cha mit nütem richtig z friede sii
Und chunnt weg allem grad id Sätz

De Plitsch und de Platsch
Sie hänget sich drum gschwind
An Nasenspitz vom Franz
Und will de Franz jetzt furchtbar nüüsse muss
Vergisst er ds Schimpfe ganz

Bim Parkverbot, da staht en Polizischt
Er schlaht grad s Buessebüechli uf
"Man weiss, dass Parken hier verboten ischt,
Drum schrieb ich jetzt die Sünder uf"

De Plitsch und de Platsch
Sie schlirped über d Schrift
Und s git en blaue Fleck
Alls isch verwüscht
De Polizischt seit "Ach
Mir lönd die Buesse wägg"