Wach vom Wecka Songtext
von dicht & ergreifend

(Wakeup)

I wer wieder moi
Wach vom Wecka
Du werst wieder moi
Wach vom Wecka
A Jeder werd
Wach vom Wecka
Wach, wach vom Wecka

Doch bevor I aufsteh
Mecht I mi no ganz kurz strecka

Wach vom Wecka
A Jeder werd
Wach vom Wecka
Olle wern ma
Wach vom Wecka
Wach, wach vom Wecka
I bleib liegn
Und schmeiß den scheiß Wecka
Einfach wegga


I lieg wach
Und gaff an Stock o
Im Zimmer, do steht Luft scho
Konn einfach ned eischlaffa
Des macht an Wecka nutzlos
Schoaßld undad Deck
Mei Duft ganz nach gusto
Da penn I zwar ned ei
Doch werd wenigstens bewusstlos

Wer ned eischlafft
Konn a ned ausschlaffa
Koana moan I woas
Ob ma moang wieder aufwachan
Stell an Indianerwecker
Du frogst mi
Wos isn des?
Du deafsd einfach
Bevor s′d ins Bett gehst
Ned zum biesln geh (Ja)

Atemlos durch d' Nacht
Ziag da liaba moi a Windl o
Des macht die fast so wach
Wia da Helene Fischer Klingelton
Dramhappad bin I scho
Schau ma d′ Stern am Himme o
I hob no lang ned fertig gschlaffa
Doch da Wecka klingelt scho


I stell mir gar koan Wecka
Werde von wos Anderm wach
Meine zwoa Gloana machan
Garantiert scho vorher Krach
Scheiße I war moi immer der Letzte
Der Hoam geht
Und jetz bin I immer der Erste
Der auf steht

I mecht de zwoa niamois dauschn
A wenn I kannt
Trotzdem schmeiß I de meine Wecka
Manchmoi gern an d' Wand
Weil egal wia I suach
De zwoa ham koan Snooze-Knopf
I muass raus, egal ob i huast
Oder hob an Booskoopf

Du wirst grod recht fria gweckt
Vo deim Wecka
I war mid meine Gloana scho
Vor na guadn Stund beim Bäcker
Hoibe sechse in da Fria
Auf d' Nacht um zehne
Muass I stoppen
Mei Zukunft is eher so da Rap Frühschoppen
(Na Prost Oida)

I wer wieder moi
Wach vom Wecka
Du werst wieder moi
Wach vom Wecka
A Jeder werd
Wach vom Wecka
Wach, wach vom Wecka

I brauch des Drum ja gar ned
Schmeiß den Wecka einfach wegga

Wach vom Wecka
A Jeder werd
Wach vom Wecka
Olle wern ma
Wach vom Wecka
Wach, wach
Vom Wecka
I bleib liegn
Und schmeiß den scheiß Wecka
Einfach wegga

Es is kamm zum glamm
Wos I oi damms lang dram
Neulich verwandelt se mei Mam
In Jean-Claude Van Damme
An sich koa Problem
Aber es fangt mi o zum grusln
Er drogt no ihr Blusn
Und wui mit mir
Ins Kino

Länger schlaffa?
Ned ums Varrecka
Mia ziagts jetz glei an Stecka
Wann leit endlich mei Wecka?
I stell man Stundn friara
Oiss I eigentlich soi
In der Schlummerphase bau I ma dann
Mei eigene Woid

Im Hoibschlof moch I wos I wui
Und führ Regie
Schick an Horst Seehofer
Zur Delfintherapie (Miami)
Er geht steil
Twitter
Schwimmflügel fly high
Flipper

Auf oamoi kapier I Alles
Was zum kapiern gibt
Mei Kopf is befreit
Vo so lumpade Hirnficks
Wie des Universum funktioniert
Des konn I da genau sogn
Doch wenn I′s erklärn will
Wirds nix

Da Turn macht se breit
In Körper und Geist
Mei Energiefluss
Der is vo jeder Störung befreit
Hab koane schlechten Gedanken
Alles wos I gschbia is frei
Meine Augen de san zu
Aber I sich wie alles laicht

Sowas schöns hod ma no
Kona vorher zeigt
Wieder zruck in die Realität?
Des foid ma gar ned ei
Doch irgendwann is a der
Allerhellste Trip leider vorbei
Was I dalebt hob duad vableichen
Doch I bhalt ma des im Geist

Wei leider wer I boid wieder
Wach vom Wecka
Du wirst wieder
Wach vom Wecka
Olle wer ma wieder
Wach vom Wecka
Scheißdreck varreckta
Es huift ja nix, a wennsd da denkst
Fuck wia a Dancer

Wach vom Wecka
A Jeder werd
Wach vom Wecka
Olle wern ma
Wach vom Wecka
Wach, wach vom Wecka
I bleib liegn
Und schmeiß den scheiß Wecka
Einfach wegga

(Wakeup)