Eulen nach Athen Songtext
von dicht & ergreifend

I trag a Eule nach Athen
Und fliag mim Fliaga wieder her
I grob an Brunnen
Doch der Fluss liegt glei danem
Und des Wasser schütt I irgendwann ins Meer

I trag a Eule nach Athen
Und fliag mim Fliaga wieder her
I grob an Brunnen
Doch der Fluss liegt glei danem
Und des Wasser schütt I irgendwann ins Meer

I glaub I hob recht
Da mecht I fast wettn
Zeit heilt erstmoi gor nix
Weil sonst gabads es ja in der Apotheken

Da Apfe foid genau bis zum Boden
Und des is weid
Wenn da Baum recht hoch is
Wenn gloane Geschenke die Freundschaft erhalten solln
Hättad I gar koane Homies


Echte Gangster gründen a Bank
Nur arme Deifen miassn oane ausraubn
Für mei Chaos muass I koa Genie sei
Na I brauch einfach mehra Stauraum

Was am Bodn liegt soi ma ned aufglaubn
Ja OK
Dann bleib I hoid liegn
Aus den Augen
Aus dem MMM
Oh Shit, I glaub I bin blind

Jaauu
Schuasta probier moi wos neis
Weil koa Mensch mehr seine Schleich zum Richten bringt
Du konnst no so vui leisten und leisten
Doch mit deine Leisten host meistens nix verdient

I schleif und schleif und schleif den Rost
Von meiner eisernen Disziplin
Morgenstund hod Muff im Mund
Oiso gschwind a Mei voi Listerien


Ja selten scho
Aber meistens nie
Griagt da Körper vom Geist an Preis verliehn
Voller Gleichgültigkeit
Werd oisse glei verziehn
Da wo ghobelt werd
Da gibts einfach koa Schleifmaschin

Du host Zeit ohne Ende
Aber ziemlich wenig Geld
Dann konn Zeit unmöglich Geld sei (Na)
Hunden de belln san im Grunde de Meisten
Und Hunde de beißn
De belln fei a

I trag a Eule nach Athen
Und fliag mim Fliaga wieder her
I grob an Brunnen
Doch der Fluss liegt glei danem
Und des Wasser schütt I irgendwann ins Meer

I trag a Eule nach Athen
Und fliag mim Fliaga wieder her
I grob an Brunnen
Doch der Fluss liegt glei danem
Und des Wasser schütt I irgendwann ins Meer

In der Kürze liegt die Tatsache
Dass irgendepse ned grad lang is
Selbst da größte Philosoph
Der landt am End vom Tag am Stammtisch

De oane Hand wascht ned de Andre
Wenn ma bloß oan Arm hod
Und wos I heid besorgn hed kena
Mach I mittlerweile scho am Vortag

Wer ned kämpft
Konn ned verliern
Und wer ned aufsteht
Konn a ned hifliang
Irgendwie wer mas scho hibiang
Doch in der Not friss ned moi I Fliang

Wenn ned Oisse glänzt liegts do dro
Dass I einfach no ned gwischt hob
Und a dreckads Gold is mehr wert
Als a saubas, weils mehr Gwicht hod

Woos?
Rom is ned an am Tag baud wordn?
Ge leck vazähl
I hed ma dacht, wenns es alle schee zamm helfts
Nachad geht des echt recht schnell

Wer schee sei wui muass schee sei
Und wer greißlig is muass leiden
Anerkennen is im Grunde a nur ehrliches Beneiden

Jau liaba an Spatz aufm Dach
Ois a Taubn in der Hand
De ma oisse voischeißt
Je friara da Vogel an Wurm fangt
Umso miada is er wenn an verspeist

Wer sogt dass a Dame ned kocha ko
Der schaut se moi mei Oma o
Und Ausnahmen bestätigen
Dass a Regel a moi brocha werdn ko

I trag a Eule nach Athen
Und fliag mim Fliaga wieder her
I grob an Brunnen
Doch der Fluss liegt glei danem
Und des Wasser schütt I irgendwann ins Meer

I trag a Eule nach Athen
Und fliag mim Fliaga wieder her
I grob an Brunnen
Doch der Fluss liegt glei danem
Und des Wasser schütt I irgendwann ins Meer