Sciur capitan Songtext
von Davide Van De Sfroos

Sciur Capitan ho cupaa una persona
so mea se l′era grama so mea se l'era bona
m′han daa mila reson en trövi gnanca vöna
so che me manca el me fiöö so che me manca la mia dona
Sciur Capitan vöri dit la verità
ghe n'ho piee i ball stasira turni a caa
sun sempru sta ai tö urdini e t'ho mai tradii
però questa sira questa guera la m′ha stüfii
Sciur Capitan vöri dit la verità
sun propi stüff el Giuann el turna a caa
sun sempru sta ai tö urdini e t′ho mai tradii
però questa sira questa guera la m'ha stüfii
Sciur Capitan me par di vec frecc
la guera la finiss mai me par de venii vecc
crepun in divisa vemm a caa in una bandiera
e lassum che la mort la vaga in giir in canutiera


Sciur Capitan varda te che irunia
la giacheta insanguinada pudeva vess la mia
bastava che incuntravi un bastardo cume mee
inveci che incuntraa chel poor ciful lalalè
Sciur Capitan varda i mee occ
e questa tera in tera in genocc
semm che a cüraa el cunfin e pensum de vess fort
el semm che per crepaa ghe vör mea′l pasaport
Sciur Capitan vöri dit la verità
sun propi stüff el Giuann el turna a caa
sun sempru sta ai tö urdini e t'ho mai tradii
però questa sira questa guera la m′ha stüfii
Sciur Capitan vöri dit la verità
sun propi stüff stasira turni a caa
se vörett iscriff te regali la mia pena
se vörett sparamm questa che l'è la mia schena