La ballata del mascheraio Songtext
von Davide Van De Sfroos

Per fa′ una maschera de lègn
Gh'éet de truvà la pianta giüsta
Dumàndegh el permèss al truunch
Dumàndess chi la vöer mètt söe
Perché una maschera se mustra
Intaant che sùta la nascuund
Perché una maschera se mustra
Intaant che sùta la nascuund

Per fa′ una maschera che riid
Te podet mea vèss tròpp triist
Intaant che scàvet el suriis
Podet mea piaang in söei tò arnées
Intaant che féet i böecc dii öecc
Cerca de fa' brilà anca i tò
Intaant che féet i böecc dii öecc
Cerca de fa' brilà anca i tò


Per fa′ una maschera rabiuusa
Gh′è mea bisògn de vèss catiiv
Perché magari la serviss
A quajvedöen che l'è ferii
E cun la maschera incazzaada
El vöer stremì la sua pagüüra
E cun la maschera incazzaada
El vöer stremì la sua pagüüra

Per fa′ una maschera de ómm
Dumàndess l'ómm chi è che l′è
Per fa' una maschera de bestia
Pröeva a vardàss in del prufuund
Per fa′ una maschera de dóna
Pensa a una dóna che pensa a un ómm
Per fa' una maschera de dóna
Pensa a una dóna che pensa all'amuur

Per fa′ una maschera de lègn