Lamentacija o štibri Songtext
von Darko Rundek

Falen budi Jezuš Kristuš
Lubim Jim rukice, Poglaviti
Sluga sem pokoren
Kaj, smem k Njimi priti?

Sem došel, bogme, štibru platiti
Graščicu gradsku Grajaninu, prebendaru pak mletvinu
Gospodinu podimčinu, pohižninu, ognješčinu
Magistratu maltarinu, tovar, tlaku, govedšinu
Velečasnom presvalščinu, kapelanu martinščinu
Cimtorijumu osvalščinu, rokovnicu, žirovinu
Maltarinu, kerčmarinu
A bogme i dervarinu


Dominalnem Gospodinu hižni ranjčik
A Pisaru gusku
Naj samo zapišeju to, Veleučeni
Bili sme globleni, zaprti i tučeni
Zakaj opet, lubleni Illustrissime
Na špangi kak klobase visime?
Zakaj čepime v gajbi, dragi meštre?

Sina sem prodal v Ameriku, na Javu
Tri čebra srebra za glavu krvavu
Sina sem prodal v meglu, v tuđinu, od pijavki da platim desetinu
Sina sem poslal v sedmegodišnji rat
V ratu sme krepali vre tulko krat da bi nam Cesar mogel dobre spat
Naš Lubleni Cesar pri svoje hiže carske
A mi pak pri naše šesnaeste varaždinske, belovarske

Se to bi jemput trijeb bilo nekom rastolnačit
Da nemre kmet plačat kad mu penez ni

Lubim Jim rukice, kaj nebi malo sliv
Grunt nam je na bubnju, vrag sam zna gdo je kriv?
Naj zemeju, prosim Ih, prelijepe mušanke
Korpu za banku, korpu za pol banke
Naj zemeju, Gospa, jajec prepun koš
Tri vagana još za jen pišivi groš