Walah Madrite Songtext
von Dahmane El Harrachi

والله ما دريت بالغدرة في مضرب لامان
وأنــا صافي بنيتي ما عنـدي نقصان
والله ما دريت بحبابي يرجعولي عديان
علاش علاش هكذا خلاوني حيران؟
علاش علاش هكذا خلاوني حيران؟

لوكان عرفت هكذا يصرالي يا ناس
نقرا حذري نعود هاني نرجع لاباس
لوكان عرفت كنت نقطع لياس
ما نخالطهم وما ندير في فكري وسواس
لكن أنا بنيتي ما شافوشي لحالتي
ما ننساهمشي طولي دنيتي علاش ما هم احنان؟

والله ما دريت بالغدرة في مضرب لامان
وأنــا صافي بنيتي ما عنـدي نقصان
والله ما دريت بحبابي يرجعولي عديان
علاش علاش هكذا خلاوني حيران؟
علاش علاش هكذا خلاوني حيران؟


لوكان عرفت نخالطهمشي بزاف
هوما هوما سباب ضرّي ارماوني في الكاف
كي نتفكّر حتى بفرحي يرجع زعاف
ولّي صرالو كيف حالي عندو ما شاف
آسباب وليعتي معاهم ما صبت راحتي
منهم ما برات كيتي كواوني بالنيران

والله ما دريت بالغدرة في مضرب لامان
وأنــا صافي بنيتي ما عنـدي نقصان
والله ما دريت بحبابي يرجعولي عديان
علاش علاش هكذا خلاوني حيران؟
علاش علاش هكذا خلاوني حيران؟

لوكان عرفت هكذا يسقيوني بمرار
ما نعاشرهم نقول الله يستر يا ستّار
وعلاش علاش هكذا سبقوني بالعار
ما ننساهم في حياتي عديان كبار
هذي هي قصيتي يقراوها في بريتي
ونهار نخلف دالتي يظهر البرهان

والله ما دريت بالغدرة في مضرب لامان
وأنــا صافي بنيتي ما عنـدي نقصان
والله ما دريت بحبابي يرجعولي عديان
علاش علاش هكذا خلاوني حيران؟
علاش علاش هكذا خلاوني حيران