Jammerlappen Songtext
von Da Huawa, da Meier und i

Heeee mia ham a guads lem
Heeee geh lossts uns feiern
Heeee mia hamma glück ghobt
doooo mit unsrer standortwahl in bayern
i hob an guadn freind
dem is oiwei glei z′koit
i sog des liegt wahrscheinlich dro
weil draussd der schnee no foid
bi i dann im sommer mit erm efta auf der roas
dann derf er nua im schattn sitzn sonst is erm glei z'hoas
geht amoi koa wind dann sogt er boa de luft de steht
wenn er waht dann griagt er kopfweh sogt der wind is bled
i sog wos host denn jetzt davo deiner jammerei
er sogt hauptsach is doch das mia guad geht dabei
der nachbar foahd sein moads neia geländejeep hoam
und jammert mensch der diesel der is deia woan
als zwoatauto fiad frau die er mid zum kik fohd
damit ma wenigstens bei de unterhosn spohd
und bassd der neie jeep ned ind parkbucht ei
dann geht′s dahoam glei wieda weida mit der jammerei


is sog de kinder de in bangladesh deine unterhosn nahn
de wern in ernam ganzn lem koan allradjeep ned fohn
Heeee mia ham a guads lem
Heeee geh lossts uns feiern
Heeee mia hamma glück ghobt
doooo mit unsrer standortwahl in bayern
da ander nachbar schimpft weil erm sei rasn z'schnia wochst
und no dazua hod er sein neia laubsauger aufghachst
da computer is hi und hod erst oanahoib joa
ja guad dass der beim aldi so a schnäppchen war
i sog da muasst amoi de bedienungsanleitung lesn
ja des häd i scho probiert des is ois chinesisch gwesn
ja mei je mehr glump dassd host desto mehra werd hi
meistens ungefähr zwoa wocha nach der garantie
bei uns do is koa kriag
und jammern miass ma ned
und trotzdem schaun de leid auf der stros eh bled
wennst einfach eban alochst dann moant der du bist irr
und kehrst in so a zwangsjackndeppnfesslgschiar
neie autos drima fernseher volle speißekammern
hauptsach uns geht's guad na kimma jammern
jammern jammern jammern jammern jammern
jammern jammern jammern jammern jammern
jammern jammern jammern jammern jammern
Heeee mia ham a guads lem
Heeee geh lossts uns feiern
Heeee mia hamma glück ghobt
doooo mit unsrer standortwahl in bayern
unsa schenee hoamat manch moi is wia gmoid
unsa schenee hoamat manch moi is wia gmoid
unsa schenee hoamat manch moi is wia gmoid
vielleicht hob i a glück und werd in meina hoamat oid
schaut′s amoi in osten wos an tagebau hom
dene leid werd jedn dog erna hoamat oafach obgrom
mia lem im paradies sogar mit raucherzone
jetzt brauch ma eigentlich nua no a wunderschenee krone
krone krone
mittlerweile miassad′s es scho kinna oba jetzad
oans zwoa drei via
Heeee mia ham a guads lem
genau so is
Heeee geh lossts uns feiern
Heeee mia hamma glück ghobt
doooo mit unsrer standortwahl in bayern
Heeee danke danke