Pastre dei mountagno Songtext
von Corou de Berra

Pastre dei mountagno
La Divinita
A pres pèr coumpagno
Vosto umanita
Soun dins la persouno
D′un petit Garçoun
Que soun Paire douno
Pèr vosto rançoun

La troupo fidèlo
A pres gran plesi
D'ausi la nouvello
Que l′Ange li a di
An peno de crèire
Qu'acò sié verai
Volon l'ana vèire
Aqui vounte jai


Lou pu vièi dei pastre
E lou pu savènt
Counsulto leis astre
Se fara bèu tèms
Dis qu′en luno pleno
Fai toujour tèms dre
E quand l′auro meno
Dis que fai bèn fre

Guihaume s'abiho
Viestis soun jargau
E dis à sa fiho
Istas à l′oustau
Debanas la sedo
Gardas lou troupèu
Móusès vostei fedo
Largas leis agnèu

Leis autrei pastouro
Deman de-matin
Viroun lei sèt ouro
Saran pèr camin
Crese que sei mouflo
Li faran pas mau
Car lou vènt que souflo
N'es pas gaire caud