Yasmina Songtext
von Cheb Nasro

نصرو . يسمينة
"""""
وين، وين الملقى يا غزالي
وين الملقى ڨوليلي
أنا راني عليك مبلي
من غيرك ماكانش دوايا
انتيّا ربحي و راس مالي
و خيالك لبدا ڨبالي
يا سهران و النّوم ما حلالي
حتّى ليّام طوالو عليّا

ڨالتلي انشاء الله ساهل
لا انتايا منّي تقبل
أنا عازبة كونك عاقل
روح اخطبني من امّاليّا
نبقى نظيفة ما نتبهدل
ما تصرالي حاجة نهبل
حتّى انت يدّوك مسلسل
تولّي للعديان شفاية


و ها ها ها ...
واش مغبينة
و راني فيها آ اليسمينة
ها ها ها ...
واش مغبينة
و راني فيها يا يسمينة
"""""
"""""
ڨلتلها صحّا بهيجة
في وعدك راني نترجّى
يا نصبر و ما نعمل حاجة
غير ايلا درت الحنّة في ايديّا
Merci bien ...
يا بنت البهجة
و نتمنّاك تكوني زوجة
ليلة عرسي زهوة و فرجة
و تكون معاك الذّريّة

من بعد مشيت لبابا و امّا
يا ڨلتلهم راني في غمّة
اسّمحولي ما باقي حشمة
ياو زادت الاضرار عليّا
أنا اليوم لقيت حمامة
عقل و رزانة و فهامة
ولّينا للزّوج يتامة
يا نبكو و الدّمعة جرّاية


و ها ها ها ...
واش مغبينة
و راني فيها آ اليسمينة
ها ها ها ...
واش مغبينة
و راني فيها يا يسمينة
"""""
"""""
ڨالت امّا يحسن عونك
اللّي تبغي نخّطبوهالك
خبّرني كيفاش صرالك
عجباتك هاذ الوهرانيّة
يا ڨلتلها امّيمتي نحكيلك
ياك انا ولدك و نشفّك
اللّي تغبنّي تغّبنك
اطّلبي ربّي يكون معايا

ڨالت امّا يا مرحبا
غدوة نغدولها خطّابة
يا بالفرح ايلا كانت عازبة
؟ Seurtout ايلا عشقاتك هي
صحبة ساعة ماهي صحبة
لازم نديرلك حجوبا
يا ولدي ركّبتلي غلبة
و انا عندي غير انتايا

و ها ها ها ...
واش مغبينة
و راني فيها آ يمينة
واه واه ...
واش مغبينة
و راني فيها يا يمينة
"""""
"""""
ڨلتلها امّا علاش تلومي
هذا زهري و هذا قسمي
امّا ماكان لاه تخمّمي
غير ادعيلي و ارضي عليّا
يا افّهميني و اسمعي كلامي
راني مشتاق في منامي
هذا وين طحت في غرامي
يا و النّاس يڨولو لعبيّة

وين، وين الملقى يا غزالي
وين الملقى ڨوليلي
أنا راني عليك مبلي
من غيرك ماكانش دوايا
انتيّا ربحي و راس مالي
و خيالك لبدا ڨبالي
سهران و النّوم ما حلالي
حتّى ليّام طوالو عليّا

ها ها ها ...
واش مغبينة
راني فيها آ يمينة
واه واه ...
واش مغبينة
يا راني فيها يا يمينة .