E susi pasturi Songtext
von Carlo Muratori

E susi pasturi nun dormiri cchiù
Lu viri ch′è natu 'u Bamminu Gesù
E susi pasturi nun dormiri cchiù
Lu viri ch′è natu 'u Bamminu Gesù

Vuotu l'uocci a la marina,
Viru veniri a du′ pasturi:
"Pastureddi unni jiti?"
"Jemu a vidiri a lu Signuri".

"Ppi manciari chi cci purtati?"
"′N acidduzzu 'nta ′n panaru,
Racinedda 'nta ′n cufinu,
Ppi manciari Gesù Bamminu".

E susi pasturi nun dormiri cchiù
Lu viri ch'è natu ′u Bamminu Gesù
E susi pasturi nun dormiri cchiù
Lu viri ch'è natu 'u Bamminu Gesù


Sta calannu ′na Susanedda,
Sta calannu di li muntagni;
Cu ′na cannistredda 'n testa,
China ′i mennuli e castagni.

E lu poviru picuraru,
Nenti avia chi cci purtari;
Cci purtau 'n agnidduzzu,
P′arricriarisi Gesuzzu.

E susi pasturi nun dormiri cchiù
Lu viri ch'è natu ′u Bamminu Gesù
E susi pasturi nun dormiri cchiù
Lu viri ch'è natu 'u Bamminu Gesù

E la notti di Natali,
Tuttu zuccuru e tuttu meli
Ca nasciu ′mmenzu l′animali
Lu rignanti di li genti

E la notti di Natali,
Fannu festa li parrini;
Nun aviennu chi manciari,
Manciunu cricchi di jaddini


E susi pasturi nun dormiri cchiù
Lu viri ch'è natu ′u Bamminu Gesù
E susi pasturi nun dormiri cchiù
Lu viri ch'è natu ′u Bamminu Gesù

Sutta 'n peri di nucidda,
C′è 'na naca picciridda;
Si ci annaca lu Bamminu,
San Giuseppi e San Jachinu

San Jachinu ccianau 'n cielu,
Ppi sunari tri campani;
Tri campani su′ sunati,
Viva viva la Trinitati

E susi pasturi nun dormiri cchiù
Lu viri ch′è natu 'u Bamminu Gesù
E susi pasturi nun dormiri cchiù
Lu viri ch′è natu 'u Bamminu Gesù