El Wad Betaa El Mazzika Songtext
von Cairokee

(ايه يعم اللي انت مشغلهولنا ده)

أنا الواد بتاع المزيكا
وبغني كلام بولوتيكا
ماسك جيتاري الأنتيكة
وبغني ليا وليك

حبيت أنا وأنا عارف
إن الأمل ضعيف
العيشة صعبة والحالة كرب
واللي في الجيب خفيف

ولا شقة ولا عربية
ولا مهر ولا ماهية
بس اللي شوفته في الحياة
ممكن أغنيه في أغنية


دخلت أنا من الباب
نطيت دغري من الشباك
قولتلها يا طنط اسمعيني
أنا نفسي لأكمل نص ديني

قالتلي يا بتاع المزيكا
روّح لأمك وأبيك
غلطان أنا من البداية
ومحلتييش غير غنايا

ولا شقة ولا عربية
ولا مهر ولا ماهية
بس اللي شوفته في الحياة
ممكن أغنيه في أغنية

أنا الواد بتاع المزيكا
وبغني كلام بولوتيكا
ماسك جيتاري الأنتيكة
وبغني ليا وليك

ولا شقة ولا عربية
ولا مهر ولا ماهية
بس اللي شوفته في الحياة
ممكن أغنيه في أغنية