Swapnat Rangle Mee Songtext
von Asha Bhosle & Sudhir Phadke

स्वप्नात रंगले मी, चित्रात दंगले मी
सत्यातल्या जगी या झोपेत जागले मी
स्वप्नात रंगले मी...

हे वेड प्रेमिकांचे गीतात गायिले मी
हे गीत भावनेचे डोळ्यात पाहिले मी
स्वप्नात रंगले मी...

या वृक्षवल्लरींना ही ओढ मीलनाची
या वृक्षवल्लरींना ही ओढ मीलनाची
पाहून जाणिली मी भाषा मुकेपणाची


माझ्या प्रियापुढे का लाजून राहिले मी?
सत्यातल्या जगी या झोपेत जागले मी
स्वप्नात रंगले मी...

एकांत हा क्षणाचा भासे मुहूर्तवेळा
एकांत हा क्षणाचा भासे मुहूर्तवेळा
या नील मंडपात जमला निसर्गमेळा

मिळवून शब्द सूर हे हार गुंफिले मी
सत्यातल्या जगी या झोपेत जागले मी
स्वप्नात रंगले मी...

घेशील का सख्या, तू हातात हात माझा?
हळव्या स्वयंवराला साक्षी वसंत राजा

या जन्मसोबतीला सर्वस्व वाहिले मी
सत्यातल्या जगी या झोपेत जागले मी
स्वप्नात रंगले मी...