Ye Manishike Majiliyo Songtext
von Arun Gopan & Chinmayi

ఏ మనిషికేమజిలీయో... పైవాడు చూపిస్తాడు
నువు కోరుకుంటే మాత్రం... దొరికేది కాదంటాడు

నువ్వు నిజంలాగ నను ముడేస్తుంటె ఈ నిమిషాన
నేను గతంలోని ఆ కలల్లోనె ఉన్నా
నువ్వు ప్రతీసారి నీ ప్రపంచంల నను చూస్తున్నా
నేను అదేపనిగ నిను వెలేస్తూనె ఉన్నా
నువ్వు నను కడలిలోని ఆ కెరటమల్లె విడిపోకున్నా
నేను ఒక మనసులేని శిలలాగ మారినానా

ఏ మనిషికేమజిలీయో, పైవాడు చూపిస్తాడు
నువు కోరుకుంటే మాత్రం, దొరికేది కాదంటాడు
ఓ మదిని దూరం చేస్తే, ఇంకోటి ముడి వేస్తాడు
ఎదలోని ప్రేమను వేరే మజిలీకి చేరుస్తాడు


నా నిన్నలోని... ఆ గురుతులన్నీ
ఈ మనసులోంచి చెరిపేదెలాగ
ఇన్నాళ్లు నాలో... కలిసున్న ప్రాణం
నే వేరుచేసి బ్రతికేదెలాగ
ఈ వేశమే... ఎన్నాళ్లనీ
విధి ఆడుతుందా ఈ నాటకాన్ని

నువ్వు నిజంలాగ నను ముడేస్తుంటె ఈ నిమిషాన
నేను గతంలోని ఆ కలల్లోనె ఉన్నా

నీ పిలుపు కోసం... వెతికింది మౌన
ఆ వరము కోరి... మిగిలుంది ప్రాణం
నా గుండెనడుగు... చెబుతుంది నీకే
ఈ ఊపిరుంది... నీ చెలిమి కొరకే
నీ కోసమే... వేచిందిలే
నువ్ సేద తీరే... ఈ ప్రేమ మజిలీ

నేను నిజంలాగ నిను ముడేస్తుంటె ఈ నిమిషాన
నువ్వు గతంలోని ఆ కలల్లోనె ఉన్నా
నేను ప్రతీసారి నా ప్రపంచంల నిను చూస్తున్నా
నువ్వు అదేపనిగ నను వెలేస్తూనె ఉన్నా
నేను నిను కడలిలోని ఆ కెరటమల్లె విడిపోకున్నా
నువ్వు ఒక మనసులేని శిలలాగ మారినావా


ఏ మనిషికేమజిలీయో, పైవాడు చూపిస్తాడు
నువు కోరుకుంటే మాత్రం, దొరికేది కాదంటాడు
ఓ మదిని దూరం చేస్తే, ఇంకోటి ముడి వేస్తాడు
ఎదలోని ప్రేమను వేరే మజిలీకి చేరుస్తాడు