Rosa Canina Songtext
von Annie Ebrel

War benn ar c′hleuz, 'us d′an toull-karr
Ez eus ur blantennig dipar
Bemdez 'tremenan 'rez dezhi
Ha bemdez ′ran ur sell outi
Ned eo nemet ur rozenn-gi

Un drezenn-amgroaz en he bleuñv
E-touez ar spern, war lein ar c′hleuz
Nag eo espar e-touez ar strouezh
Ha blizidik! Va rozenn-ouez
Zo gwisket 'vel ur Rouanez


Kurunenn aour ha brozh seiz roz
Diamantet gant ar gliz-noz
O lintrañ en Heol beureel
Hogozig ken koant hag an Ael
Siwazh eo kened berrbadel

Kurunenn aour ha brozh seiz roz
Diamantet gant ar gliz-noz
O lintrañ en Heol beureel
Hogozig ken koant hag an Ael
Siwazh eo kened berrbadel

Un deiz hepken ′chom pep rozenn
Digor he dremm d'ar sklêrijenn
An Heol a domm he c′halonenn
Flouret 'vez gant ar valafenn
Ha broudet gant ar wenanenn


Ha ′benn ma vo an Heol kuzhet
He brozh seiz roz a vo gweñvet
Hag he c'hurunenn aour teuzet
Echu 'vo d′ar Rozenn-amgroaz
Met un all ′digoro arc'hoazh