Alt eg treng Songtext
von Tom Roger Aadland

Langs aude vegar har eg ofte gått
Så ingen mann ber vitne om mi ferd
Men eg har skoda skur, så vel som slott

Og brote brød med både lek og lærd
Og vore folk til glede – og til mein
Og stundom svinga pennen som eit sverd


For vegen min har aldri vore ein
Men mange små, lik dropar i ei elv
Og vegen min har aldri vore bein

Men sjå på ospelauvet, som det skjelv
Om sommarbrisen rører det så vidt
Der det heng utstrekt under himmelkvelv

Og langsamt har eg skjøna, litt om litt
At alt eg treng, det er meg gjeve fritt