Taxi Songtext
von Plankton

Es gaht nid vorwärts, s′gaht nid rückwärts
Ich schtecke fescht, ich schtah'n im Schtau
Und ich cha no so fescht probiere
Was ich weiss das weisch du au
Was ich weiss das weisch du au

Aber: es isch nid aapracht z′zwiifle
Au wänn d'Flüss zächer flüssed
Ich muess beharrlich bliibe
Me wird mir scho z'hälfe wüsse
Me wird mir z′hälfe wüsse

Irgendwänn chunnt immer es Taxi
Wo eim usem Chaos füehrt
Irgendwänn chunnt di grüeni Wälle
Und alles lauft wider wie gschmiert


Vilicht würi′s mängisch hälfe
Es Schtuck wiit em Ziil entgäge z'gah
Aber wänn dänn alles wider is Rolle chunnt
Hätt me nume Schpese gha
Hätt me nume Schpese gha

Ja, wer cha scho mit Ziitfeischter umgah
Wer chunnt mit Flautene klar
Wobii, es git doch eigentlich nüt Schöners
Als mit de Anderne schtill z′schtah
Als mit de Anderne schtill z'schtah

Und irgendwänn chunnt ja sicher es Taxi
Wo eim vo Pointe zu Pointe chauffiert
Irgendwänn chunnt di grüeni Wälle
Und alles lauft wider wie gschmiert

Irgendwänn chunnt immer es Taxi
Wo eim vo Pointe zu Pointe füehrt
Irgendwänn chunnt di grüeni Wälle
Au wänn dänn nöd vill meh
Au wänn dänn nöd vill meh passiert