’Na sera ’e maggio Songtext
von Mario Lanza

Quanno ven′a appuntamento
Guarde 'o mare, guard′e ffronne
Si te parlo nun rispunne
Staje distratta comm'a che

Io te tengo dint'o core
Songhe sempe innammurato
Ma tu, invece, pienze a n′ato
E te staje scurdanno ′e me


Quanne se dice: "Sì!"
Tienelo a mente
Nun s'ha da fà murì
Nu core amante
Tu mme diciste: "Sì!" ′na sera 'e maggio
E mo tiene ′o curaggio 'e mme lassà

St′uocchie tuoje nun so' sincere
Comm'a quanno mme ′ncuntraste
Comm′a quanno mme diciste
"Voglio bene sulo a te"

E tremanno mme giuraste
Cu 'na mano ′ncopp'o core
Nun se scorda ′o primmo ammore!
Mo te staje scurdanno 'e me


Quanne se dice: "Sì!"
Tienelo a mente
Nun s′ha da fà murì
Nu core amante
Tu mme diciste: "Sì!" 'na sera 'e maggio
E mo tiene ′o curaggio ′e mme lassà