Amarcord Songtext
von La Maschera

Stev′m là, proprio là sott 'a statua
Nun può capì a ce penzà quant è bell.
Si sul ′o tiemp nun fosse passat
Stess'm ancora a fumà nu spiniell...
E a nun penzà cchiù 'e guerr.
E a nun penzà cchiù.
Penzav e saje quanti vot penzav
Che na chitarra cagnava coccos′
Fin quand ajere po′ m'aggio scetat
A chilli suonn ′arò t'aizze surato.
Ah... m′arricord 'e te guardann ′o mare e si saglie 'o cafè
Pozz sentì l'addore. pozz sentì l′amare ′e sta città


Guardann 'nciel cca nun veco panni
So tutt′ annure chisti vicarielli
For 'e balcun stanno sul antenne
E je nun saccio cchiù a ggent che ten nguoll
E penz pure a chilli uocchije tuoje scure
Ormai cunsumate pecchè hanno chiagnijut
Perdenn′ a uno 'de figlie che parte
Appriess a ′ati mille ca se ne so gghiut.
Ah... m'arricord 'e te guardann ′o mare e si saglie ′o cafè
Pozz sentì l'addore. pozz sentì l′amare 'e sta città

E intanto mò stong for a stu bar
E cu a chitarra faccio ′e cuncertin
Pe tutte chilli ca stanno mbriac'
E s′arretirano a primma matina.
Ce stà chi ha perz' 'a salute pe ′o vino
Chi invece pecchè è malato d′ammore
E po' ce stann dduje o tre vicchiarielli
Ca ri′rn, sònan e cantano
Ah... m'arricord ′e te guardann 'o mare e si saglie ′o cafè
Pozz sentì l'addore. pozz sentì l'amare. pozz sentì ′o calore ′e sta città