Der Kurgast Songtext
von Hans Söllner

In reichenhall, hobn′s auf drängen,
Von a poor gonz b'sonders schlaue leit′
An huaba - bauern untersogt, dass er sich an giggerl hoit.
De kurgäst hob'n sich scho beim burgermoasta drin beschwert
Weil dieses deppate vieh, in da friah immer gar so laut plärrt.
Ob des net gangat, dass ma ea'm lernt, dass er irgendwos singt,
Und einfoch ohne dass er so schreit,
Auf sein misthauf′n ummanonderspringt,
Oba so a g′schroa, na leit', des muass i eich heit wirklich amol sog′n
Wenn i so a preuss war, i glaub, i kannt's a nit vertrog′n.
Na na na na na na na na ...


Ois nächstes hobn's g′merkt, dass si' gonz vui leit' beschwer′n
Über kleinkinder und säuglinge, weil de hoit a′ra so plärr'n
Ma sollt′ drauf achten,
Dass ma bloss vom februar bis juni miteinander pennt,
Donn kemman de kinder, nämli' erst noch da saison auf′d wöid
Mei, der kurgast hot's nit gern, der arme, der braucht sei ruah
Und von dem lärm, hot er in da stodt drinn, eh schon mehr als g′nua.
Drum startens jetzt in reicha'holl a aktion, die unter dem motto steht:
" Pariser san wichtiger, als brot für de wöid "
Na na na na na na na na ...

Wias überall is, so hob'n a bei uns vui olte leit′, a kloans hundal, meingood
Earna letzt freid, und weil vui olte leit′ gonz gonz wenig rent'n hob′n,
Hobn's sofort de hundesteuer erhöht, schlau wiea′s san
Jetzt wern de hundal oiwei weniga, de oitn leit' steck′ ma ins heim,
Is oi's bloss für saub're umwöid, des leich′t uns olle ein
Und damit ma seg′n, so a hund mocht onscheinend wirklich bloss an dreck,
Scheisst da burgamoasta jede nocht am gehsteig, wenn koana siehg't.
Na na na na na na na na ...


Zu guter letzt, hom′s no va'longt, natürlich wieda weg′n an lärm,
Dass de leit, earna ne mopeds und mofas durch'd innenstodt schiab′n
Oda wenns schon foahrn miass'n, donn wenigstens auss'n ′rum
Ja, auf da umgehungsstross′n, do kennan's doch no foahrn de buab′n, Wo de lastzüg' obedonnan im fernverkehr, und jed′n dog,
Do konnst sicha sei', darennt′s irgendwer
Aber für a stadionsaubare stodt
Muasst scho' opfer bringa'
Und für unsan burgermoasta, wer i de letzt′n zeil′n singa.
Wenn's koan giggal mehr gibt, der mi weckt,
Wenn a muadda ihr kind im keller versteckt,
Wenn am königsee hint′n, s'echo va′stummt,
Dann sogst' a no, des is ois für uns, du saudumma hund.