Ruaf ma a Taxi Songtext
von Georg Danzer

Heast, des is a komische Wohnung, wia ma so wohnen kau!
Owa bitte, des is dei Problem, und des geht mi jo nix au
Nur das dei Bett so quietscht, des schdörd mi
Jo des schdörd mi gaunz enorm
Weu man i ma eibüd, man hörd mi
Dann kum i ned in Form
Und jezd lieg ma no nemanaund
Aufn Sessel duat liegt dei Gwand
Und i bin tausend Joa weit fuat
Und i füh mi übahaupt ned guat


Ruaf ma a Taxi, weu i hob no an Termin
Red ma ned ei, es is kans frei
Weu es gibt so vü Taxi in Wien
Uma drei in der Nochd

Heast, der auf den Büd duat, is des leicht dei Mau?
Waun du sogst, du wüst eam ned, warum gibst eam daun ned in Hau
Pock deine siebn Zwetschken zaum und renn eam afoch davon
Oder glaubst, dass er di suachn losst duach XY
I wass eh, du wüsd di ned exponiern
Und wüsd dei Sicherheit ned verliern
Du mechast am liabstn an Neichn haum
Owa i bins ned, des kaunsd ma glaubn

I hob glaubt, dass du des gaunz locker nimmst
Und nur a bissl Obwechslung wüsd
Owa i bin ned dei Hintertürl
Fois du mit dem Gedaunkn schbüsd!