Khabbi Serrek Songtext
von Dahmane El Harrachi

خبي سرك يا الغافل واقرا حذرك لا تبين سرك
للغير الناس اطول الكلام والحيط بوذنيه
ناس الحومة الكل داروا
هذا الهذا يقول لجاروا
كل واحد زاد في خبارو
بقوال كثير
لقلوب القاسحين غاروا
دارو خلقة عليك حاروا
واحد ولا صطحاب حاروا
رماوك فالبير
ما ردوا عليك السلام
هاذ الشي كلتو حرام
قوام يثقب الرخام
والحاسد خبير
خبي سرك يا الغافل واقرا حذرك لا تبين سرك
للغير الناس اطول الكلام والحيط بوذنيه
هذاك الي ما قرا حسابوا
دار الامان في صحابوا
حتى فرغرلوا جيابوا
ورجع فاقير


استغلو ا بيه في غيابو
قالو خليوه في عذابو
لسانو هو سبابو
تقول صابي صغير
اندم ما فادشي الندام
كان جديد فنا ولا قدام
نهارو طويل فيه عام
او همو يكفيه
خبي سرك يا الغافل واقرا حذرك لا تبين سرك
للغير الناس اطول الكلام والحيط بوذنيه
الصافي ربنا عطالو
و الناقص شوف ما جرالو
ارجع يخاف من خيالو
حصل كاش يدير
ارجع ما يشوفشي قبالو
قلبو مجروح ما برالو
يبكي وينوح من فعالو
وعذابو كبير
ما يهناشي طول الدوام
داخل في بحر الضلام
نكار الملح والطعام
بالاك تسامية
خبي سرك يا الغافل واقرا حذرك لا تبين سرك
للغير الناس اطول الكلام والحيط بوذنيه
نعطيك وصايتي وصاية
لوكان تكون في سراية
اطلب العفو والعناية
وسلاك الخير
يبعد بلاك مع بلايا
يا الفاهم بلا قرايا
شوف خيالك فالمرايا
تشوف واش يصير
يا النايم فيق لا تنام
احضي راسك يا فلان
دارو اسمك فالزمام
وتقاراو عليه
خبي سرك يا الغافل واقرا حذرك لا تبين
سرك للغير الناس اطول الكلام والحيط