Elli Fat Mat Songtext
von Dahmane El Harrachi

لي فات مات راح نسيتو المكتوب جاز وعد القدرة مازال
وحد الغزال لي ربيتو ولله مادريت يولي محال
ذاك الغزال عينو كحلة والسر ربنا لي عطالو
مابان ما ظهر ما ولّى يا من دراش واش صرالو
كي راح ما دّى ما خلّى خلّى غير كلام قوالو
يا ناس غابني ونسيتو من بعد ماملكني هاذي مدة شحال
ذاك الغزال لي حبيتو مزالني معاك نولّي مزال
لي فات مات راح نسيتو المكتوب جاز وعد القدرة مازال
وحد الغزال لي ربيتو ولله مادريت يولي محال
ذاك الغزال غرامو يحكم شحال جرّيت وشقيت في جالو
قلبي هواه ربّي يعلم من صابني نكون قبالو
وعلاش غابلي مالمرسم لي كان مزهّيني ونزهالو
ذاك الغزال شحال نسيتو ماشاف حالتي كي راني مذبال
الليل والنهار ستنيتو ونقول جاز جاز عليا الحال لي فات مات راح نسيتو المكتوب جاز وعد القدرة مازال
وحد الغزال لي ربيتو ولله مادريت يولي محال
ذاك الغزال ظريف وعاقل عمري ما لقيت بحالو
ماشي مع الطريق يتمايل فرحت كي ظهر خيالو
كي شافني بقى يتخايل لكن دارني في بالو
ذاك الغزال اليوم لقيتو يا مندراش يشفى ويرجعلي فال
مازاد ما نقص في حياتو حتى ظهر او بانلي كي لهلال
لي فات مات راح نسيتو المكتوب جاز وعد القدرة مازال
وحد الغزال لي ربيتو ولله مادريت يولي محال
لي فات مات راح نسيتو المكتوب جاز وعد القدرة مازال
وحد الغزال لي ربيتو ولله مادريت يولي محال
لي فات مات راح نسيتو المكتوب جاز وعد القدرة مازال
وحد الغزال لي ربيتو ولله مادريت يولي محال