Bugeilio'r Gwenith Gwyn Songtext
von Cerys Matthews

Mi sydd fachgen ieuanc ffôl
Yn byw yn ol fy ffansi
Myfi′n bugeilio'r gwenith gwyn
Ac arall yn ei fedi

Pam na ddeudi ar fy ôl
Ryw ddydd ar ôl ei gilydd?
Gwaith ′rwyn dy weld, y feinir fach
Yn lanach, lanach beunydd!


Codais heddiw gyda'r wawr
Gan frysio'n fawr fy lludded
Fel cawn gusanu ôl dy droed
Ar hyd y coed wrth gerdded

Cwyd fy mhen o′r galar maith
A serchus iaith gwarineb
Gwaith mwy na′r byd i'r mab a′th gâr
Yw golwg ar dy wyneb

Tra bo dŵr y môr yn hallt
A thra bo 'ngwallt yn tyfu
A thra bo hiraeth yn fy mron
Mi fyddai′n ffyddlon iti


Dywed imi'r gwir dan gêl
A rho dan sêl d′atebion
P'un ai myfi neu arall, Gwen
Sydd orau gen dy galon